Rusiyanın Krasnoyarsk şəhərindəki istehsal müəssisələrində maska rejimi yenidən tətbiq edilir.

Aztibb.az “Neprosto.fun” nəşrinə istinadən xəbər verir ki, bu şirkətlər anti-epidemioloji standartlara əməl etmək üçün tədbirlər görürlər: işçilərə birdəfəlik tibbi maskalar verilib, onlara əl dezinfeksiyaedici vasitələrdən istifadə etmək və yeməkxanalarda məsafə saxlamaq tövsiyə olunub.

Maska rejiminin geri qaytarılmasında məqsəd COVID-19 ilə bağlı vəziyyətin pisləşməsi səbəbindən işçilərin təhlükəsizliyini təmin etməkdir.

Operativ qərargahın məlumatına görə, son bir həftə ərzində Rusiyada COVID-19-a yoluxma halları 22,8% artıb. Bu müddət ərzində 8981 nəfər koronavirus diaqnozu ilə xəstəxanalara yerləşdirilib.