Rusiyada da son bir gündə 320 pasiyentin koronavirusdan vəfatı ilə gündəlik ölüm hallarında rekord rəqəm qeydə alınıb.

Koronavirusla mübarizə üzrə əməliyyat qərərgahının məlumatında qeyd edilir ki, 24 saat ərzində 16 min 550 nəfər yoluxub, 12 min 884 nəfər isə sağalaraq xəstəxanadan buraxılıb.

Ölkə üzrə ümumilikdə 1 milyon 547 min 774 insan koronavirusa yoluxub.

Gürcüstanda son sutka ərzində koronavirusdan 23 nəfərin həyatını itirməsi ilə xəstəlikdən gündəlik ölüm sayında daha bir rekord yaşanıb.

Son 24 saatda 1 824 nəfərdə COVID-19 aşkarlanıb. Bununla da ölkədə koronavirusa yoluxma halı 32 min 127-yə çatıb.

Sutka ərzində daha 23 nəfərin xəstəlikdən vəfat etməsi ilə ölüm hallarının sayı 238-ə çatıb. 1 262 pasiyent sağalaraq evə buraxılıb. Ümumilikdə sağalanların sayı isə 2 632-dir.

Son sutka ərzində Ermənistanda daha 1600 nəfərdə koronavirus təsdiqlənib.

Ölkədə virusa yoluxanların ümumi sayı 80 min 410-a yüksəlib. Son 24 saat ərzində Ermənistanda daha 24 nəfər koronavirusdan ölüb. Pandemiya qurbanlarının sayı bununla da 1 222-yə çatıb. Hazırda Ermənistanda 26 min 452 aktiv koronavirus xəstəsinin olduğu bildirilir.