Bu metodun təhlükəsizliyini obyektiv qiymətləndirmək üçün ultrasəs dalğalarının dölün vəziyyətinə təsirinə dair çoxsaylı tibbi tədqiqatlar aparılıb. Bu gün mövcud olan elmi təqdiqatların heç biri ultrasəsin dölə mənfi təsir göstərdiyinə dair sübut təqdim etməyib.

Aztibb.az xəbər verir ki, cərrah-ginekoloq Kamran Nağıyevin bildirdiyinə görə, hamiləliyin aparılmasının bir hissəsi olaraq planlı USM üç dəfə nəzərdə tutulub:

✔1 skrininq - 11-14 həftədə;
✔2 skrininq - 19-21 həftədə;
✔3 skrininq - 30-34 həftədə.

Ginekoloq qeyd edib ki, həkim müəyyən əlamətlər olduqda - məsələn, risk altında olan qadınlar üçün əlavə plansız ultrasəs təyin edə bilər.

“Vaxtında müayinə hamiləlik anomaliyalarını aşkar etməyə və müvafiq tədbirlər görməyə kömək edir. Ultrasəs müayinəsini yalnız müasir avadanlıqla təchiz edilmiş yaxşı klinikalarda etməyinizi məsləhət görürəm”, – deyə həkim vurğulayıb.