Polikistik Over Sindromunun müalicəsinin əsas hissəsini fiziki aktivlik, yəni idmana təşkil edir. Bu sindrom reproduktiv yaşdakı qadınların 10-15%-də görülür.

Aztibb.az xəbər verir ki, uşaq endokrinoloqu Aygün Musayevanın bildirdiyinə görə, qeyd olunan sindromlu yeniyetmələrin hər gün minimum 60 dəqiqəlik orta və ya sürətli fiziki aktivlik göstərmələri və həftədə ən az 3 gün əzələ və sümükləri möhkömləndirici idman məşqləri etmələri tövsiyyə edilir.

Həmçinin fiziki aktivliyə velosiped, üzgüçülük, müxtəlif idman oyunları ilə məşğul olmaq, ev işləri, gimnastika və idman zalında edilən məşqlər və s aiddir. Məqsəd 60 dəqiqə dayanmadan hərəkətdə olmaqdır.

Həkim qeyd edib ki, əzələ məşqlərini (aerobik məşqlər) həftədə 3 gün ən azı 10 dəqiqə ilə başlayıb 30 dəqiqəyə kimi artırmaq tövsiyyə olunur:

“Fiziki aktivlik üçün təcrübəli mütəxəssislərdən dəstək ala bilərsiniz və ya fitness aplikasiyalar ilə öz sürətinizi tənzimləyərək edə bilərsiniz”.

Yanaşı olaraq sevdiyiniz bir musiqini dinləyərək motivasiya ala və ya idmanı dostlarınız və ya ailə üzvləri ilə birgə edə bilərsiniz.