Anhedoniya depressiv vəziyyət və heç bir şeydən ləzzət ala bilməmək kimi müəyyən edilən bir ruh halıdır.

Depressiya əlamətlərindən biri olaraq da təyin olunan bu vəziyyət bu gün bir çox insanın əziyyət çəkdiyi problemlərdən biridir.
Aztibb.az xəbər verir ki, uzman psixoloq Cəmilə Rəhimli ,Anhedoniyanın səbəblərini sadalayıb.

Psixoloq qeyd edib ki, hansı şərtlərin bu xəstəliyə səbəb olduğu aydın olmasa da, bu vəziyyətə gətirən bəzi səbəblər var və müəyyən şərtlərin səbəb olduğu düşünülür.

Anhedoniyanın səbəbləri aşağıdakılardır:

- Anormal psixi vəziyyət
- Psixi problemlər
- Psixoloji amillər və problemlər
- Maddələrə aludə olan şəxs
- Təhsilin olmaması və qeyri-adekvatlığı

Bu vəziyyətlə qarşılaşan insanlar əvvəllər zövq və həyəcanla etdikləri işləri artıq etmək istəmirlər. Bəzi fəaliyyətləri etmək məcburiyyətində olduqları üçün edirlər və zərrə qədər zövq almazlar.

Qeyd olunan fəaliyyətlər idman, musiqi, ictimai fəaliyyətlər, hobbilər və s. ola bilər. Burada vacib olan fəaliyyətin nə olduğu deyil, o fəaliyyətin insana artıq heç bir zövq verməməsidir.

Anhedoniyanın çoxlu müxtəlif səbəblərini nəzərə alsaq, qəti və yeganə həll üsulu olduğunu deyə bilmərik. Vəziyyətin düzgün müəyyən edilməsi və həlli üçün tibbi və psixoloji səbəblərə görə bir mütəxəssisə müraciət etmək lazım olduğu görünür.