Tənəffüs yolları xəstəliklərinin artdığı bu aylarda uşağın tənəffüs sürətinin də artması təəssüf ki, xəstəliyin irəlilədiyini və fövqəladə vəziyyət olduğunu göstərir.

Aztibb.az xəbər verir ki, bu barədə pediatr Xəyalə Əliyeva məlumat verib.

Bəs uşaqlarda tənəffüs sürəti dəqiqədə nə qədər yüksək olmalıdır?Bu bizi narahat etməlidirmi?
Həkim bununla bağlı göstəriciləri paylaşıb:

0-2 ay arası - 60 dəfə
3-12 ay - 50 dəfə
1-5 yaş arası - 40 dəfə
5 yaş və yuxarı - 30 dəfə

“Uşağınızın dəqiqədə tənəffüs sürətini bu dəyərlərdən yuxarı hesablasanız, bu, xəstəliyin ciddi həddə çatdığını və təcili olaraq həkimə müraciət etməyiniz lazım olduğunu bildirir”, – deyə həkim vurğulayıb.