İİV virusunun orqanizmə yoluxmasının qarşısını alan yeni dərman hazırlanıb. Dərman xəstəliyin ötürülməsi prosesi üçün effektiv bir profilaktika olduğunu sübut edib.

Aztibb.az “Medimagazin” portalına istinadən xəbər verir ki, İİV-in müalicəsində istifadə üçün hazırlanmış dərman Böyük Britaniyada 24 min insan üzərində sınaqdan keçirilib. Aparılan araşdırmalar nəticəsində dərman “təskinlik verici” kimi qiymətləndirilib.

Tədqiqat 2017-ci ilin oktyabrından 2020-ci ilin iyuluna qədər İngiltərədə 157 cinsi sağlamlıq klinikasında aparılıb. Araşdırma “PrEP”dən istifadə ilə HİV-ə yoluxma ehtimalının 86 faiz azaldığını göstərib. Tədqiqatın nəticələri “LANCET HIV” jurnalında dərc edilib.

Hazırkı HİV müalicəsi dərmanları “Tenofovir disoproxil” və “Emtricitabin”ə daxil olan PrEP (cinsi əlaqə öncəsi alınan dərman), HİV-in bədənə daxil olmasını dayandırır. Gündəlik istifadə və ya cinsi əlaqədən əvvəl qəbul edilməsi tövsiyə edilir.

Dərmanın effektivliyi düzgün istifadədən asılıdır

Tədqiqat HİV-in ötürülməsinin qarşısının alınmasında “PrEP”in effektivliyini bir daha nümayiş etdirib.

Tədqiqatçılar dərmanın effektivliyinin bir çox amillərdən, xüsusən də dərmanın düzgün qəbul edilib-edilməməsindən asılı olduğunu bildirib.

"PrEP Impact Trial"a rəhbərlik edən Böyük Britaniyanın Sağlamlıq Təhlükəsizliyi Agentliyi qeyd edib ki, dərmanın effektivliyi hökumətin 2030-cu ilədək “sıfır HİV ötürülməsi” məqsədinə nail olmağa kömək edəcək, lakin bu dərmanı daha çox insanın qəbul etməsinə ehtiyac var.