Əbu-Dabidəki Xəlifə Universitetinin alimləri ultrabənövşəyi şüalardan qoruyan ən müasir kontakt linzalar hazırlayıblar.

Aztibb.az “Planet Today” nəşrinə istinadən xəbər verir ki, onlardan istifadə bir sıra göz xəstəliklərinin qarşısını almağın bir yolu ola bilər. Müvafiq hesabat “Nature” jurnalında dərc olunub.

Normal işıqlandırma şəraitində bu keçid kontakt linzaları ultrabənövşəyi işığın təxminən 45%-ni və mavi işığın 20%-ni effektiv şəkildə bloklayır.

Mavi işıq smartfonların, televizorların, kompüter monitorlarının və noutbukların ekranlarından yayılır. Onun uzun müddət məruz qalması quru göz sindromuna, tor qişanın mərkəzi nahiyəsinin distrofiyasına, gözün sürətli yorğunluğuna və görmə kəskinliyinin azalmasına səbəb ola bilər.

Ultrabənövşəyi şüalar gözün daxili strukturlarına - lens və retinaya mənfi təsir göstərir, katarakta və digər oftalmoloji ağırlaşmaların yaranmasına yol açır.

Ultrabənövşəyi radiasiyaya məruz qaldıqda, linzalar real vaxt rejimində qaralır, görünən işığın bir hissəsini udur. Bu keçidin sürəti və intensivliyi istifadə olunan fotoxrom materialdan asılı olaraq dəyişir.