Çin mühəndislərinin verdiyi açıqlamaya görə, elektron dəri ağrı hisslərini protez sahibinin beyninə ötürmək qabiliyyətinə malikdir.

Aztibb.az “Communications Chemistry”ə istinadən xəbər verir ki, bu ixtira daha təhlükəsiz və daha funksional protezlərin yaradılması üçün yeni perspektivlər açır.

Müasir protezlər artıq süni əzanın köməyi ilə əşyalara toxunmaqla hiss etmək imkanı verir. Lakin alimlər hesab edir ki, bununla yanaşı, ağrı hiss etmə qabiliyyətini də təmin etmək vacibdir. Ağrıya cavab vermək qabiliyyəti zədə və zədələnmədən qaçmağa imkan verir və protezləri sahibləri üçün daha təhlükəsiz edir.