Tekirdağda şişkinlik şikayəti ilə xəstəxanaya müraciət edən qadının qarnında 20 kiloqramlıq kütlə aşkarlanıb.

Aztibb.az “CNN Türk”ə istinadən xəbər verir ki, həkimlərin diaqnozundan sonra 41 yaşlı Asiye Seyitoğlu xəstəxanada ginekoloji onkologiya cərrahiyyəsinə götürülüb.

Lazımi müayinələr aparıldıqdan sonra əməliyyata alınan xəstənin sağ yumurtalıqında diametri 50 santimetr, çəkisi 20 kiloqram olan kütlə olduğu müəyyən edilib. Həkimin uğurlu fəaliyyəti nəticəsində kütlə olduğu yerdən çıxarılıb.

20 kiloqram çəkidən xilas olan xəstə Asiye Seyitoğlu özünü yaxşı hiss etdiyini bildirib.