Evliliklərdə cinsi əlaqə sıxlığının azalmasının ən əhəmiyyətli səbəblərindən biri monotonluq və ünsiyyətin olmamasıdır.

Aztibb.az “CNN Türk”ə istinadən xəbər verir ki, uro-andrologiya uzmanı, professor Halim Hattatın sözlərinə görə, uzun müddətli əlaqələrdə iş-ailə-məktəb məsuliyyətləri, maddi problemlər, vaxt azlığı, yenilik axtarmamaq, müəyyən monotonluğa riayət etmək kimi bir çox problem əlaqələrə təsir edə bilər.

Professor zamanla münasibətlərdə ehtirasın azalmasının səbəblərini və həll yollarını açıqlayıb. O, nəşr olunan araşdırmalara görə, evli cütlərin ildə 50-55 dəfə cinsi əlaqədə olduğunu və bunun orta hesabla həftədə bir və ya iki dəfə baş verdiyini ifadə edib. Bundan əlavə, əlaqələrdə cinsi aktivliyin zamanla azaldığını deyən həkim bu vəziyyətin yüzdə 10-20-nin aseksual kateqoriyaya düşdüyünü bildirib.

Digər faktorlar da var

Münasibətlərdəki problemlərin yalnız psixoloji deyil, digər faktorlardan da yarana biləcəyini vurğulayan professor, hormonal dəyişikliklər, xəstəliklər, dərman istifadəsi, qidalanma və idman kimi həyat tərzi faktorlarının əlaqə problemlərinə təsir edə biləcəyini ifadə edib. Stress, depressiya, cütlər arasında münaqişələr kimi psixoloji faktorların münasibətlərdə problemlər yarada biləcəyini vurğulayıb.

Həkim qayğı göstərməyi unutmanın da mühüm faktor olduğunu qeyd edib. Dopamin və oksitosin kimi hormonların cütləri bir-birinə bağlayan qandal kimi olduğunu ifadə edən professor, bu hormonlar zamanla azaldıqca cütlərin bağlarının zəifləyəcəyini bildirib. Buna görə də, o, evliliyin daim yenidən kəşf edilməli olduğunu vurğulayıb.

Cütlüklər üçün məsləhət

Uzun müddətdir birlikdə olan cütlüklərə məsləhətlər verən uzman həkim cütlüklər arasında ünsiyyət olmamasının problemlərin böyüməsinə səbəb olduğunu və ünsiyyətdə səmimiyyət və açıqlıq olarsa problemlərin daha təsirli şəkildə həll oluna biləcəyini qeyd edib.

Son olaraq cütlərin yaşadıqları problemləri təbiiləşdirməyə meylli olduqlarını deyən Hattat bu vəziyyətdən çıxmağın yollarını izah edib. O, cütlüklərin problemlərini bir-biri ilə paylaşmasının və mütəxəssisə müraciət edərək ortaq müalicə planı yaratmasının vacibliyini vurğulayıb. Münasibətlərdə təfərrüatlara fikir vermənin, bir-birinin qayğısına qalmağın və ünsiyyəti gücləndirməyin cütlərin xoşbəxt münasibət saxlamasına kömək edə biləcəyini deyib.