Çexiyada vətəndaşlara oktyabrın 28-dən noyabrın 3-dək axşam saat 21:00-dan səhər saat 05:00-a qədər küçəyə çıxmaq qadağan edilib.

Aztibb.az "RİA Novosti" agentliyinə istinadən xəbər verir ki, hökumət bu qərarı yeni növ koronavirusa yoluxmanın artmasına qarşı mübarizə məqsədilə təsdiqləyib.

Qeyd edilib ki, işə getmək və digər təcili tədbirlər, həmçinin ev itlərini mənzildən 500 metrə qədər məsafədə gəzdirmək istisna təşkil edir.

Qeyd edək ki, Çexiyada koronavirusa yoluxma halları artır. Son məlumatlara görə, ölkədə 162 866 COVID-19 xəstəsi aşkarlanıb.