Bir qrup amerikalı tədqiqatçı infeksiyaların insan beyninə təsirini araşdırıb.
Aztibb.az “Discover 24” portalına istinadən xəbər verir ki, araşdırmalara görə, elm adamları virusların təsiri altında beyin qabığının qalınlığının incələ biləcəyini öyrəniblər.
Test nəticələrinə görə, genital herpes virusu beyin qabığının incəlməsi ilə birbaşa əlaqəlidir.
Alimlər bir sıra infeksiyaların beyin maddəsində dəyişikliklərə təsir etdiyini də qeyd ediblər. Bununla belə, bu dəyişikliklərin neyrovizualizasiyasda nə dərəcədə əks oluna biləcəyi hələlik aydın deyil.
Herpes virusunun digər növləri də beyin qabığında dəyişikliklərə səbəb ola bilər.
Alzheimer xəstəliyindən əziyyət çəkən insanlar üzərində aparılan araşdırma orqanizmdə müxtəlif növ herpesin olduğunu göstərib.
Amerikalı mütəxəssislər tədqiqatın nəticələrini “Journal of Neurological Sciences” jurnalında dərc ediblər. Bu tədqiqat həkimlərə beyin qabığında morfoloji dəyişikliklərə həssas olan risk qruplarını müəyyən etməyə kömək edəcək.
