Merilend Universitetinin alimləri tərəfindən aparılan yeni araşdırmaya görə, gündəlik aşağı dozada Aspirin qəbul edən ürək-damar xəstəlikləri olan ağır koronavirus xəstələrində ölüm riski xeyli azdır.
Bu barədə Aztibb.az medimagazin.com.tr-yə istinadən xəbər verir.
Dr. Chov və həmkarları son bir neçə ayda infeksiya səbəbiylə xəstəxanaya yerləşdirilən 412 COVID-19 xəstəsi üzərində araşdırma aparıblar. Ürək-damar xəstəlikləri olan pasiyentlər xəstəxanaya yerləşdirilməzdən öncə və ya dərhal sonra gündəlik aşağı dozada Aspirin qəbul ediblər.
Tədqiqatçılar Aspirindən istifadənin xəstələrin ölüm riskində yüzdə 47 faiz azalma ilə nəticələndiyini müşahidə ediblər.
Merilend Universitetinin dosenti Michael A. Mazzeffi Aspirinin qanı durultduğunu və ürək-damar xəstəlikləri olan COVID-19 xəstələrinə yaxşı təsir etdiyini bildirib: "COVID-19 diaqnozu qoyulmuş xəstələr həkimlərinə müraciət etdikləri müddətdə gündəlik Aspirin qəbul edə bilərlər".
