Yorucu məşqlər etmədən “arzulanan bədənə” çatmaq üçün kişilər öz yağ toxumalarından istifadə edilməklə cərrahi bədən konturlaşdırma prosedurundan – lipofillinqdən keçə bilərlər.

Aztibb.az “Gazeta” nəşrinə istinadən xəbər verir ki, plastik cərrahı İvan Çesalin bu barədə müsahibəsində danışıb.

“Bəzən kişi yorucu məşqlər və pəhrizlər nəticəsində belə müəyyən nahiyələrdəki piylərdən xilas ola bilmir və əzələ kütləsini formalaşdıra bilmir. Bu çox vaxt bədənin anatomik xüsusiyyətləri ilə bağlı ola bilər”, - deyə həkim bildirib.

Mütəxəssisin fikrincə, lipofillinq və ya liposkulptura liposaksiya ilə kombinasiya proseduru istənilən kişiyə öz arzusunda olan bədəni əldə etməyə imkan verəcək. Problemli bölgələrdən artıq yağ, məsələn, omba bölgəsinə köçürülə bilər, üzü cavanlaşdırmaq, yanağı və çənəni daha ifadəli etmək olar.

“Əgər 180 sm boyu olan kişinin çəkisi 130 kq olarsa, deməli, artıq miqdarda piy toxuması ilə qarşılaşırıq. Bir əməliyyatda belə artıq piy və dərini çıxarmaq və bədəni ideal parametrlərə uyğunlaşdırmaq mümkün deyil - bədən və dərinin bərpası üçün vaxt lazımdır. Sonra iş mərhələli olacaq – hər mərhələdə müəyyən əməliyyat və bir zonanın korreksiyası olacaq”, – həkim yekunlaşdırıb.