Almaniyanın BioNTech biotexnologiya şirkətinin həmtəsisçisi və baş direktoru prof. Dr. Uğur Şahin, ilk mRNT əsaslı xərçəng peyvəndlərinin 2030-cu ildən əvvəl təsdiqlənməsini gözlədiklərini söyləib.

Aztibb.az “TRT Haber”ə istinadən xəbər verir ki, Almaniyanın "Bild am Sonntag" qəzetinə danışan baş direktor ilk mRNA əsaslı xərçəng peyvəndlərinin qeyd olunan tarixdə təsdiqlənməsini gözləməklə yanaşı, 2025-2029-cu illərdə digər terapevtik yanaşmalar üçün sınaq məlumatlarının olmasını da planlaşdırdılarını deyib.

Məqsədlərinin hər bir xəstəyə xas xərçəng peyvəndi hazırlamaq olduğunu vurğulayan U.Şahin belə izah edib: “Bunun üçün hər bir xəstənin xərçəng xüsusiyyətlərini təhlil edirik və immun sisteminin mümkün qədər çox şiş hüceyrəsini tanıyıb məhv etməsinə imkan verəcəklərini seçirik".

U.Şahin digər bir ümid qaynağının antikor-dərman konjuqatları (ADC) olduğuna diqqət çəkib: "ADC-lər kimyaterapiya daşıyan anticisimlərdir. Onlar qanda dolaşır, şişə çatır və oradakı kimyaterapiyanı hədəflənmiş şəkildə buraxırlar. Bu müalicənin əhəmiyyəti bir şişi çox tez kiçildə bilməsidir. Əminəm ki, bir neçə il ərzində bir çox xərçəng hadisələrində klassik kimyaterapiya əvəzinə məqsədyönlü kimyaterapiya kimi daha çox ADC istifadə olunacaq".