Aktiv siqaret çəkənlərdən başqa insanların siqaret tüstüsünü inhalyasiya etməsi olan "passiv siqaret"in ağciyər xərçəngi riskini yüzdə 24 artırdığı öyrənilib.

Aztibb.az “TRT Haber”ə istinadən xəbər verir ki, ekspertlərin bildirdiyinə görə, "passiv siqaret” və son vaxtlar geniş yayılan elektron siqaretlər səbəbindən xərçəng riski artır.

Türk Tibbi Onkologiya Dərnəyindən Dr. Serdar Karakaya etdiyi şərhdə ağciyər xərçənginin dünyada kişi və qadınlarda ən çox görülən ikinci xərçəng növü olduğunu və hər iki cinsdə xərçəngdən ölüm səbəbləri arasında birinci yerdə gəldiyini deyib.

Ağciyər xərçənginin ən çox görülən səbəbinin siqaret olduğunu vurğulayan həkim 85-90 faizin tütün istifadəsi səbəbindən olduğunu vurğulaıb.

Ekspert son illərdə aparılan elmi araşdırmaların passiv siqaretin müxtəlif xəstəliklərə və ölümlərə səbəb olduğunu göstərdiyini bildirib.

Dünyada bir milyarddan çox insanın tütün məmulatlarından istifadə etdiyini qeyd edən həkim xərçəng, ürək-damar xəstəlikləri və buna bağlı insult kimi ölümə səbəb olan ən çox görülən xəstəliklərin inkişafının tütün istifadəsi və tütün tüstüsünə məruz qalmasının səbəb olduğunu söyləyib.