Çindən olan bir qrup alim tərəfindən aparılan yeni bir araşdırma zamanı məlum olub ki, vaxtından əvvəl və daha az çəki ilə doğulan uşaqlar daha çox solaxay olurlar.

Aztibb.az “Neprosto.fun” onlayn nəşrinə istinadən xəbər verir ki, indiyə qədər elm adamları bu vəziyyətdə yeni doğulmuş uşağın çəkisinin rol oynaması və ya hamiləlik dövrünün əsas amil olub-olmaması sualına birmənalı cavab verə bilməyiblər.

Bu suala cavab vermək üçün mütəxəssislər nəinki bir-birinə genetik oxşarlığı olan, həm də eyni gündə doğulan insanları - üçəmləri müqayisə edən yeni araşdırma aparıblar. Tədqiqat mövzusu kimi üçəmlər seçilib, çünki onlar adətən doğum zamanı tək uşaqlardan daha az çəkili olurlar.

Alimlər hər birinin çəkisinə, onun sağ və ya solaxay olmasına diqqət yetirərək, eyni vaxtda üç uşağın doğulması ilə bağlı 2252 hadisəni təhlil ediblər. Məlum olub ki, orta hesabla sağ əllilər doğulanda solaxaylardan 100 qram daha çox olur. Maraqlıdır ki, hamiləlik dövrünün dominant əl üzərində təsiri Çində doğulan üçəmlər arasında aşkar edilib, lakin Yaponiyada doğulanlar arasında yox.

Elm adamları doğum ağırlığının insanın sağ və ya solaxay olması ilə necə əlaqəli olduğu sualına dəqiq cavab vermir. Bununla belə, onlar iddia edirlər ki, yeni araşdırma belə bir əlaqənin mövcud olduğunu əminliklə söyləməyə imkan verir.