Osaka Universitetinin alimləri bildiriblər ki, hüceyrə səviyyəsində qocalma prosesi orqanizmin mikroautofagiya prosesi vasitəsilə arzuolunmaz və ya zədələnmiş komponentləri, həmçinin patogenləri məhv edə bilməməsi ilə bağlıdır.
Aztibb.az "EMBO Reports" (Avropa Molekulyar Biologiya Təşkilatı) jurnalına istinadən xəbər verir ki, bu barədə tədqiqatla bağlı hesabatda bildirilib.
Serin-treonin kinaz 38 (STK38) adlı zülalın lizosomal zədələnməyə cavab vermək üçün tələb olunduğu bilinir. Bu zülal orqanizmin ehtiyac duymadığı komponentləri parçalayan lizosomal fermentlərin daşınmasına cavabdeh olan endosomal çeşidləmə zülal kompleksi ilə birlikdə işləyir.
Bu proses vacibdir, çünki zədələnmiş zülalların parçalanmasının əsas üsuludur. Alimlər həmçinin aşkar ediblər ki,
GABARAP ailəsinin zülallarının iştirakı lizosomların bərpası prosesinin başlanması üçün zəruridir. Lipidasiya (xüsusi modifikasiya növü) nəticəsində bu zülallar hüceyrələri “təmizləyən” tək membranlı endolizosomlara çevrilə bilər.
Tədqiqatçılar əmindirlər ki, onların işi hüceyrə qocalmasının qarşısını ala biləcək membranlarda siqnal yoluna təsir etmək qaydalarını müəyyən edəcək.
