Plimut Universitetinin alimləri belə nəticəyə gəliblər ki, xlorlu ağardıcı antibiotiklərə davamlı bakteriyalara qarşı təsir göstərmir.

Aztibb.az "Sky News"a istinadən xəbər verir ki, bu barədə universitetin son araşdırmasında bildirilib.

Ağardıcı tibbi geyimləri və səthləri təmizləmək üçün istifadə olunur, lakin o, hər il dünyada milyonlarla insana təsir edən, ishal, kolit və digər bağırsaq fəsadlarına səbəb olan bakteriya olan Clostridium difficile sporlarına qarşı işləmir.

Clostridium difficile bakteriyası antibiotiklərin təyin olunduğu xəstəliklərin ən çox yayılmış səbəbidir. Tədqiqatçılar, pis sanitar şəraitin xəstələr və işçilər üçün təhlükəli ola biləcəyini irəli sürürlər. Antimikrobiyal dərmanlara bakteriya müqaviməti səbəbindən insan sağlamlığı üçün risk artır.