Perm Milli Tədqiqat Politexnik Universitetinin (PNIPU) alimləri torpağın herbisidlərdən mikroorqanizmlərlə təmizlənməsi perspektivlərini tədqiq ediblər.

Aztibb.az “EcoPravda” portalına istinadən xəbər veri ki, alaq otlarını məhv etmək üçün kənd təsərrüfatında herbisidlərdən geniş istifadə olunur. Onların müntəzəm istifadəsi torpaqda zərərli maddələrin yığılmasına səbəb olur. Bir çox bakteriya növləri bu cür kimyəvi maddələri qəbul edə və maddələr mübadiləsində istifadə edə bilər.

Mütəxəssislər həyat prosesində yeganə karbon və enerji mənbəyi kimi herbisidlərdən istifadə edən mikroorqanizmlərin böyümə prosesini öyrənmiş, torpağı kimyəvi maddələrdən təmizləmək üçün əkinlərin effektiv nisbətini müəyyən ediblər.

Nəticələr göstərib ki, müxtəlif bakterialardan faydalanmaq onların zərərli kimyəvi maddələri məhv etmək qabiliyyətini iki dəfə artırıb. Alimlərin fikrincə, bu cür üsullar herbisidlərin ətraf mühitə və insan sağlamlığına toksik təsirini xeyli azaldır.