Doğuşdan ikiqat uşaqlıq olduğunu və nadir bir hamiləlikdə hər iki bətnində qız gözlədiyini açıqlayan Kelsey Hatşerin həkimi, gənc qadının hər iki bətnində eyni anda iki ayrı körpəyə hamilə qalma şansının olduğunu bildirib.

Aztibb.az “CNN Türk”ə istinadən xəbər verir ki, ABŞ-da yaşayan Kelsey Hatşer qoşa uşaqlıqlı doğulub. Onun həkimi gənc qadının iki bətnində eyni anda iki ayrı körpəyə hamilə qalma şansının milyonda bir olduğunu deyib.

ABŞ-ın Alabama ştatında yaşayan 32 yaşlı üç uşaq anası Kelsi Hatşer uterus didelfisi və ya iki uşaqlıq adlı nadir uşaqlıq anomaliyası ilə dünyaya gəlib. Mətbuata verdiyi müsahibədə Hatcher, hamilə olduğunu bilənə qədər belə bir ehtimalın mümkün olacağına inanmadığını bildirib.

Əvvəlki hamiləliklərində yalnız bir bətnində körpə daşıyan Hatçer, körpələrin əkiz olub-olmayacağı ilə bağlı hələlik heç bir məlumat verməyib.

Vəziyyətini öyrəndikdən sonra K.Hatşer hamiləliyini və onun gedişatını paylaşmaq üçün şəxsi sosial media hesabı açıb və ianə kampaniyasına başlayıb.