Nevroloq Rinat Qizatullin miqren tutmasının “təxribatçıları” arasında şokolad və bananın təsirlərindən bəhs edib.

Aztibb.az “Medik Forum” portalına istinadən xəbər verir ki, həkimin qeyd etdiyi kimi miqren başın bir tərəfində baş verən davamlı ağrıdır. Belə ağrı müddəti və adi analgetiklərin təsirinə qarşı müqaviməti ilə xarakterizə olunur. Ağrı digər xoşagəlməz hisslərlə müşayiət oluna və bir neçə gün davam edə bilər.

Miqren ürəkbulanma, titrəmə, qusma, yuxusuzluq, sürətli ürək döyüntüsü, letarji və depressiv əhval-ruhiyyə ilə müşayiət olunur.

Miqrenin hansı şəraitdə baş verdiyindən danışan həkim qeyd edib ki, müəyyən qidaların qəbulu onu törədən proseslərin səbəbi olur.

Bu məhsulların tərkibində bəzi insanların orqanizminin xüsusilə həssas olduğu maddələr var.

"Şokolad, banan, yağlı pendirlər, sitrus meyvələri və spirt istehlakı miqren tutmasına səbəb ola bilər", deyə nevroloq xəbərdarlıq edib.

Həkim əlavə edib ki, xroniki miqreni birdəfəlik müalicə etmək mümkün deyil. Eyni zamanda, ağrılı hücumların təkrarlanmasının qarşısını almağa kömək edən terapiya var: bura, həyat tərzi dəyişiklikləri və dərmanlar daxildir.