Dünyada hər il minlərlə körpə doğum günündən həftələr əvvəl doğulur. “Vaxtından əvvəl” adlandırılan bu körpələr bir çox ciddi sağlamlıq problemləri ilə üzləşirlər. Bəs, vaxtından əvvəl doğuşun səbəbləri nələrdir? Doğuşdan sonra körpəni və ailələrini hansı proses gözləyir?

Aztibb.az xəbər verir ki, mütəxəssislərin bildirdiyinə görə, vaxtından əvvəl doğulan körpələr o qədər də şanslı deyillər... Çünki bu körpələr vaxtından əvvəl doğuşun yaratdığı bir çox sağlamlıq problemləri ilə üzləşə bilər. Bundan sonra həm körpə, həm də valideynlər üçün ağrılı bir proses başlayır.

Ümumdünya Səhiyyə Təşkilatının (ÜST) məlumatına görə, hər il 15 milyon körpə vaxtından əvvəl doğulur. Bu körpələrin 1 milyondan çoxu hələ 1 yaşına çatmadan ölür. Türkiyədə hər il 150 mindən çox körpə vaxtından əvvəl doğulur. Bütün doğuşların təxminən 10 faizi vaxtından əvvəl baş verir.

Hansı körpələrə vaxtından əvvəl doğulmuş deyilir?

Normal hamiləlik 40 həftə davam edir. 37 həftədən əvvəl doğulan bütün körpələrə vaxtından əvvəl doğulmuş körpələr deyilir. Təbii ki, vaxtından əvvəl doğulmuş körpələri də müxtəlif alt qruplara bölmək olar. Məsələn, 34 həftə ilə 37 həftə arasında doğulan körpələr "gec vaxtından əvvəl doğulmuş" adlanır və öz problemləri var.

32 həftədən az doğulan körpələr daha riskli körpələrdir. Xüsusilə 28-ci həftədən əvvəl doğulan körpələr çox aşağı çəki ilə doğulduğundan və orqan inkişafı xarici aləmdə təkbaşına yaşaya biləcək qədər inkişaf etməmiş olduğu üçün neonatal reanimasiya şöbələrində diqqətli baxım və dəstəyə ehtiyac duyur.