ABŞ-da Qida və dərman preparatlarının keyfiyyətinə sanitar nəzarət idarəsi “AstraZeneca Truqap”ı daha köhnə bir dərmanla birlikdə təsdiqləyib və inkişaf etmiş döş xərçəngi olan xəstələr üçün başqa bir müalicə variantı təqdim edib.
Aztibb.az “İvolta.media”ya istinadən xəbər verir ki, FDA, “Truqap”ın HR-müsbət/HER2-mənfi döş xərçəngi olan yetkin xəstələrdə istifadə oluna biləcəyini açıqlayıb.
Agentlik həmçinin dərmanı şişləri üç gendən birində - PIK3CA, AKT1 və ya PTEN-də dəyişiklik olan xəstələrdə istifadə üçün təsdiqləyib.
Son mərhələdə aparılan bir araşdırmada, dərman genləri dəyişdirilmiş şişləri olan xəstələrin vəziyyətini 7,3 ay pisləşdirmədən ömrünü uzatmağa kömək edib.
“Truqap” AKT inhibitorları kimi tanınan dərmanlar sinfinə aiddir və şiş böyüməsi və yayılmasından məsul olan AKT1 gen mutasiyasını hədəf alır. Dərman hormonal terapiya ilə müalicədən sonra şişi geri dönən və ya pisləşən xəstələr tərəfindən istifadə edilə bilər.