Tədqiqat qrupunun bir hissəsi olan Barselona Universitetinin alimləri müəyyən ediblər ki, B12 vitamini çatışmazlığı nəticəsində orqanizmdə yaranan iltihablar ürək-damar xəstəlikləri, diabet və neyrodegenerativ pozğunluqların inkişaf riskini artırır.

Aztibb.az “Science of Food and Agriculture” (SOCI) jurnalında dərc olunan məlumata istinadən xəbər verir ki, İspaniyalı tədqiqatçılar müəyyən ediblər ki, B12 vitamini çatışmazlığı bədəndə iki iltihab markerinin - interleykin (IL)-6 və C-reaktiv protein (CRP) səviyyəsinin artması ilə əlaqələndirilir.

Alimlər xroniki iltihabın diabet, neyrodegenerativ pozğunluqlar, infarkt və hipertoniya kimi bir çox xəstəliklərin riskinin artması ilə əlaqəli olduğunu izah ediblər. O da məlumdur ki, insan orqanizmində B12 vitamini nə qədər çox olarsa, iltihabın markerləri bir o qədər aşağı olur. Buna tərs asılılıq deyilir.

Alimlər ümid edirlər ki, onların işi Parkinson xəstəliyi kimi neyrodegenerativ pozğunluqların mexanizmlərini anlamağa yaxınlaşdıracaq.

Alimlər indi orqanizmdə xroniki iltihabın piylənmə və qıcıqlanmış bağırsaq sindromu ilə bağlı olub-olmadığını müəyyən etmək üçün tədqiqatları davam etdirməyi planlaşdırır.