Ümumdünya Səhiyyə Təşkilatı (ÜST) tənhalığı “təcili qlobal sağlamlıq təhlükəsi” elan edib.

Aztibb.az “CNN Turk”ə istinadən xəbər verir ki, mütəxəssislər “Gənclərin həyatı getdikcə qaralmaqdadır” deyərkən, tənhalığın gətirə biləcəyi təhlükələrə diqqət çəkilib.

ÜST bu məsələ ilə bağlı ABŞ ümumi cərrahı Dr. Vivek Murty və Afrika İttifaqının gənclər səfiri Çido Mpembanın rəhbərlik etdiyi beynəlxalq komissiya yaradıb.

Komissiya koronavirus epidemiyası ictimai fəaliyyətləri dayandırdıqdan və tənhalıq problemini dərinləşdirdikdən sonra yaradılıb.

"Tənhalıq sərhədləri aşır. O, sağlamlığın, rifahın və inkişafın bütün aspektlərinə təsir edən qlobal ictimai sağlamlıq probleminə çevrilir", - Ç.Mpemba bildirib. Qeyd edilib ki, sosial təcrid heç bir yaş və ya məhdudiyyət tanımır.

Ç.Murtyə görə, təkliyin sağlamlıq riskləri gündə 15 siqaret çəkmək qədər pisdir. Həmçinin yalnızlığın piylənmə və fiziki hərəkətsizliklə bağlı risklərdən daha çox ola biləcəyi ifadə edilib.

Təklik ümumiyyətlə inkişaf etmiş ölkələr üçün problem olaraq görülsə də, Ç.Murty yaşlıların dörddə birinin sosial təcrid nisbətlərinin dünyanın bütün bölgələrində oxşar olduğu məlumatını paylaşıb.

Yaşlı insanlarda tənhalığın demans inkişaf riskini 50 faiz artırdığı qeyd edilib. Bunun koronar arteriya xəstəliyi və insult riskinin 30 faiz artması ilə əlaqəli olduğu bildirilib.