Adana Şəhər Təhsil və Araşdırma Xəstəxanası Allergiya və immunologiya mütəxəssisi Dr. Leyla Çevirme sosial mediada yayılan “qlütensiz pəhriz” trendinin çox təhlükəli olduğunu ifadə edərək, qlütenə qarşı allergiyası olmayan insanların bu şəkildə yeməməsi lazım olduğuna diqqət çəkib.

Aztibb.az “Haberturk” saytına istinadən xəbər verir ki, son zamanlar sosial mediada məşhurlaşan “qlütensiz pəhriz” tendensiyası səbəbiylə bir çox insan buğda, arpa və çovdar yemirlər. Bununla belə, mütəxəssislər qlütenə qarşı allergiyası olmayan insanların bu qida növünə riayət etmələrinin lazımsız olduğunu bildiriblər.

Həkim bildirib ki, tərkibində qlüten olan məhsullar yeyərkən meydana gələn həssaslıqların hamısı allergiya deyil. Hansının allergiya, hansının xəstəlik olduğunu həkimlərlə həll etmək lazımdır. İnsanlar buna öz ağıllarına görə qərar verməməlidirlər:

“Çölyak xəstəliyi və ya buğda ilə əlaqəli allergiya varsa, biz bunları qan və dəri testləri ilə aşkar edirik. Qastroenteroloqlar çölyak xəstəliyi olanları biopsiya və bəzi testlər vasitəsilə aşkar edirlər”.

Xəstələr tək qərar verməməlidir

Sosial mediadakı çılğınlığın çox təhlükəli olduğuna diqqət çəkən həkim, “bəzi xəstələrimiz “Google”da bir həll tapır və qlütensiz yeməyə başlayır. Biz bunu qətiliklə tövsiyə etmirik. Biz internet təbabətinin tətbiq olunmasını istəmirik. Diaqnoz qoymalıyıq. Xüsusən də xəstəliyə səbəb ola biləcək əlamətlər varsa, biz mütəxəssislər qərar verməliyik. Xəstələrimiz özbaşına qərar verib müalicə ardınca getməməlidirlər”, deyib.