Professor İnci Gülmezin sözlərinə görə ürək-damar xəstəliyi olan biri sol döşündəki nikotin bandını ürəyin üzərinə yapışdırarsa, infarkt riski ola bilər. Ürək-damar xəstəliyi olmasa belə, band sol döş qəfəsinə yapışmamalıdır.
Aztibb.az “Haberturk” saytına istinadən xəbər verir ki, Erciyes Universiteti (ERÜ) professoru siqareti tərgitmək istəyən bəzi insanların istifadə etdiyi nikotin bandını doğru yerə yapışdırılması barədə xəbərdarlıq edib.
Siqareti tərgitmək üçün nikotin asılılığından xilas olmaq lazım olduğunu ifadə edən həkim siqareti atmağın müxtəlif üsulları olduğunu, xüsusilə nikotin əvəzedici terapiyanın vacibliyini bildirib. Bunlar nikotin bandları, burun spreyləri, ağız spreyləri, pastillər və nikotin saqqızlarıdır.
Həkim siqareti tərgitmə poliklinikasına gələn insanların ilk növbədə asılılıq dəyərinin yoxlanıldığını deyib.
Nikotin saqqızı çeynəyən adamın ağız mukozasında qıcıqlanma və dildə yaralarının ola biləcəyini söyləyib.
Nikotin bandının doğru yerə yapışdırılması lazım olduğunu bildirən həkim adətən sağ çiyninə, tüksüz yerə yapışdırıldığını bildirib.