ABŞ Ərzaq və Dərman İdarəsi (FDA) ağcaqanadlarla yoluxan Çikunqunya virusunun yaratdığı kəskin qızdırma xəstəliyinə qarşı ilk peyvəndi təsdiqlədiyini açıqlayıb.

Aztibb.az “TRT Haber”ə istinadən xəbər verir ki, Aacaqanadlardan insanlara keçən Çikunqunya virusu xəstələrdə oynaqların iltihabına, yüksək hərarətə və şiddətli ağrılara səbəb olur.

"Bu gün ABŞ Qida və Dərman İdarəsi ilk Çikunqunya peyvəndi olan “Ixchiq'i təsdiqlədi" “Ixchiq' çikunqunya virusuna məruz qalma riski yüksək olan 18 yaş və yuxarı insanlar üçün təsdiq edilmişdir", – deyə açıqlamada bildirilir.

Son 15 ildə 5 milyon yoluxma hadisəsi

Son 15 ildə ən az 5 milyon Çikunqunya virusu hadisəsinin baş verdiyini bildirən FDA, “Ixchiq'in təhlükəsizliyini Şimali Amerikada 18 və daha yuxarı yaşda olan təxminən 3500 iştirakçını klinik araşdırmalara cəlb etdikdən sonra peyvənd olaraq qiymətləndirib.

Məlumdur ki, Aedes aegypti və Aedes albopictus ağcaqanadlarından insanlara keçən virus doğuş zamanı və ya əmizdirmə zamanı nadir hallarda anadan körpəyə keçir və insandan insana birbaşa ötürülməsinə dair heç bir dəlil yoxdur.

Yerli Tanzaniya dilində hərfi mənada “ikiqat əyilmə” mənasını verən Çikunqunya virusunun törətdiyi xəstəlik bu adı almışdır, çünki xəstədə oynaqların iltihabı və şiddətli ağrılar səbəbindən hərəkət və duruşda məhdudiyyətlər yaranır.