Mövcud dərmanlara davamlı olan tif xəstəliyinin yayılması Əfqanıstan, Tailand və bir sıra digər ölkələrdə də baş verə bilər. Müvafiq xəbərdarlıq Yale İctimai Səhiyyə Məktəbinin amerikalı mütəxəssisləri tərəfindən verilib.

Aztibb.az “Planet Today” nəşrinə istinadən xəbər verir ki, söhbət 7 il əvvəl Pakistanda yaranan və o vaxtdan bəri orada ən geniş yayılan S.Typhi ştamından gedir.

Tifo qızdırması çirklənmiş qida və suyun istifadəsi ilə ötürülür.

Araşdırma zamanı alimlər Pakistandan digər ölkələrə uçuşların sayını da nəzərə alıblar. Nəticədə Əfqanıstan, Banqladeş, Hindistan, Şri-Lanka, İndoneziya, Malayziya, Filippin, Tailand, Uqanda və Keniyanın risk altında olduğu üzə çıxıb.

Qeyd edək ki, ÜST-nin təqdim etdiyi statistik məlumatlara əsasən, 2019-cu ildə dünyada ümumilikdə doqquz milyon insan tif xəstəliyinə yoluxub. Eyni zamanda, həmin dövrdə 110 min insan bu xəstəlikdən dünyasını dəyişib.