Tədqiqatlar göstərib ki, aşağı ətrafın linfodeması olan xəstələrdə limfedeması olmayanlarla müqayisədə dəri xərçəngi inkişaf riski əhəmiyyətli dərəcədə yüksək olur.

Aztibb.az “Medik Forum” nəşrinə istinadən xəbər verir ki, araşdırma zamanı limfedeması olan 4437 xəstənin tibbi sənədlərinə baxılıb. Tədqiqat həmçinin yaş, irq və cinsə uyğun gələn linfodeması olmayan nəzarət qrupunu da əhatə edib.

Qeyd edək ki, limfedema toxumalarda limfa yığılması nəticəsində yaranan şişlik ilə xarakterizə olunan xəstəlikdir.

Tədqiqatçılar dəri xərçənginin ilk halının inkişafına qədər olan vaxtı təhlil etmək üçün Kaplan-Meier əyrisindən və Kox proporsional təhlükələrin reqressiya modelindən istifadə ediblər.

Tapıntılar limfedeması olan xəstələrin digər xəstələr ilə müqayisədə dəri xərçəngi inkişaf riskinin daha çox olduğunu göstərib. Xüsusilə yüksək risk birtərəfli limfedemadan əziyyət çəkənlərdə müşahidə edilib.

Limfedeması olan xəstələrlə işləyən mütəxəssislərdən bu artan riskdən xəbərdar olmaq və bu xəstə populyasiyasında müvafiq monitorinq və profilaktik tədbirlər həyata keçirmək tövsiyə olunur.

Limfedema toxumalarda limfa yığılması nəticəsində yaranan şişlik ilə xarakterizə olunan tibbi bir xəstəlikdir.