Bir milyona yaxın xəstənin məlumatlarının təhlili göstərib ki, kompüter tomoqrafiyası qan xərçənginin inkişaf riskini artırır.

Aztibb.az “Nature Medicine” jurnalına istinadən xəbər verir ki, Barselona Qlobal Sağlamlıq İnstitutunun (ISGlobal) həkimləri araşdırma məqsədilə 276 xəstəxanadan bir milyona yaxın xəstənin məlumatlarından istifadə ediblər.

Xəstələrin hamısı 22 yaşından əvvəl ən azı bir rentgen əsaslı kompüter tomoqrafiyası (KT) prosedurundan keçmiş olub və hər bir xəstə üçün elm adamları qan hüceyrələrinin meydana gəldiyi sümük iliyində alınan radiasiya dozasını təxmin ediblər.

Məlumata əsasən100 mq doza qan xərçənginin inkişaf riskini təxminən 3 dəfə artırır. Bu o deməkdir ki, standart skan (təxminən 8 mq orta doza) xərçəng riskini təxminən 16% artırır.

Yeni araşdırmanın nəticələri, KT-nin yüksək populyarlıq qazanmasına baxmayaraq, xüsusilə gənc xəstələr üçün daha sərt radiasiyadan qorunma tədbirlərinə ehtiyac olduğunu vurğulayır.