Ümumdünya Səhiyyə Təşkilatı (ÜST) COVID-19 ilə bağlı tövsiyələri yeniləyib. Xüsusilə, 65 yaşdan yuxarı insanları yüksək riskli qrupa daxil etməkdən imtina edib.
Aztibb.az “MedikForum” nəşrinə istinadən xəbər verir ki, bu barədə ÜST-ün Cenevrədəki baş qərargahında jurnalistlərə məlumat verilib. Bu direktivin izahında deyilir ki, COVID-19 virusunun mövcud variantları daha az ağır xəstəliyə səbəb olur və peyvənd səbəbindən immunitet daha yüksəkdir.
Orta risk kateqoriyasına əvvəllər yüksək riskli hesab edilən insanlar, o cümlədən 65 yaşdan yuxarı şəxslər, həmçinin piylənmə, şəkərli diabet, böyrək, qaraciyər, və xərçəng olanlar daxil edilirdi.
ÜST-ün sənədlərində qeyd olunur ki, bu qrupdakı xəstələr üçün təxmini xəstəxanaya yerləşdirmə nisbəti 3 faizdir. İmmuniteti zəif olan insanlar daha yüksək risk altında qalırlar. Belə xəstələrin xəstəxanaya yerləşdirilmə nisbəti 6 faizdir.