İştahanın azalması mədəaltı vəzi xərçəngindən xəbər verə bilər.

Aztibb.az “Actual News” portalına istinadən xəbər verir ki, onkoloq Valeri Yegievin sözlərinə görə, iştahsızlıq, həzmsizlik, sidik rənginin dəyişməsi və sağ hipokondriyada ağrı ilə müşayiət olunan sarılıq, mədəaltı vəzi xərçəngini göstərə bilər.

Mütəxəssis izah edib ki, əksər hallarda erkən mərhələlərdə xəstəlik asemptomatikdir, lakin məhz bu dövrdə müalicə daha asan və effektiv olur.

“Çox vaxt pankreas xərçəngi asemptomatikdir, buna görə də müalicənin daha asan və effektiv olduğu erkən mərhələlərdə ondan şübhələnmək çətindir. Bundan əlavə, öd kisəsi xəstəlikləri, mədə xorası və şəkərli diabetlə qarışdırıla bilər”, - deyə həkim qeyd edib.

Mədəaltı vəzi xərçənginin əlamətlərinə heç bir səbəb olmadan ani kilo itkisi, zəiflik, ümumi nasazlıq və genişlənmiş dalağı da aid etmək olar. Xəstəliyin inkişafı üçün risk faktorları arasında onkoloq irsiyyət, düzgün olmayan qidalanma, yağlı qidalar, kolbasa və spirtdən çox istifadə, 60 yaşdan yuxarı yaş, siqaret, kəskin və ya xroniki pankreatit, qaraciyər xəstəlikləri və artıq çəkinin olduğunu deyib.

Onkoloq dərinin qızarması və qabıqlanmasının da xərçəngin ilk əlamətləri ola biləcəyini söyləyib. Onun sözlərinə görə, dəri xərçəngi ən çox yayılmış xəstəlik növlərindən biridir.