Sosial mediadan istifadə gündən-günə genişləndikcə ailələr bu vəziyyətin övladlarına mənfi təsirindən qorunmağın yollarını axtarırlar.

Aztibb.az “CNN Turk”ə istinadən xəbər verir ki, ünsiyyət üzrə mütəxəssis və pedaqoq Qamze Nurluoğlu rəqəmsal valideynlik məsələsinə diqqət çəkərək, uşaqlarının sosial mediadan istifadə etməsində valideynlərin üzərinə böyük məsuliyyət düşdüyünü deyib.

Rəqəmsal valideynlik anlayışına diqqət çəkən mütəxəssis bir çox valideynlərin uşaqlarını kiber zorakılıq kimi rəqəmsal dünyanın neqativlərindən qorumaq üçün üsullar araşdırdığını qeyd edib.

O, uşaqlara zərər verə biləcək sosial media paylaşımlarının uşaqların maraqlarını cəlb edərək, onları təcavüz, kiber zorakılıq kimi neqativlərə meylləndirdiyini vurğulayıb:

İnkişaf çağındakı uşaqlar bu amillərdən daha çox təsirlənir. Bu mərhələdə valideynlərin üzərinə böyük vəzifələr düşür. Lakin uşaqları sosial medianın mənfi təsirlərindən qorumaq üçün istifadənin məhdudlaşdırılması kifayət deyil. Ailələr buna şüurlu yanaşmalı, rəqəmsal istifadəni tənzimləməli və uşaq böyüdükcə rəqəmsal istifadəni formalaşdırmalıdır".

“Çoxumuz sosial mediada şəxsi həyatımızın fotolarını paylaşırıq. Bunu edərkən, təkcə öz məxfiliyini deyil, həm də uşağının məxfiliyini ehtiva edən valideynlər var. Hətta görürük ki, övladlarının adına hesab açılıb, adından istifadə olunub. Paylaşma adlanan bu vəziyyət yanlış davranış modelidir. Çünki uşaqların məktəb və uşaq bağçası məlumatlarının açıq şəkildə ifadə edilməsi və onların fotoşəkillərinin paylaşılması rəqəmsal iz yaradır”, – deyə mütəxəssis bildirib.