Türkiyənin Səhiyyə naziri Fahrettin Koca, xərçəng xəstələrinin və fövqəladə vəziyyətdə olan qəzzalıların Türkiyəyə köçürülməsinin planlaşdırıldığını açıqlayıb.
Aztibb.az “TRT Haber”ə istinadən xəbər verir ki, səhiyyə naziri Fahrettin Koca sosial media hesabından verdiyi açıqlamada bu sözləri deyib:
"Əvvəllər bizə məlumat verilmiş və təcili müalicəyə ehtiyacı olan 1000-ə yaxın xəstə və yaralı, xüsusilə də Qəzzada Türkiyə-Fələstin Dostluq Xəstəxanasında müalicə alan xərçəng xəstələri Rəfah sərhəd qapısına köçürülüblər. Daha sonra xərçəng xəstələrinin və vəziyyəti təcili olanların təcili tibbi yardım təyyarələri və gəmi xəstəxanası ilə ölkəmizə köçürülməsi nəzərdə tutulur".
Türkiyə gəmilərinin Misir limanlarına daxil olmasına icazə verilib. Nazir F.Koca Türkiyənin müalicədə istifadə edilmək üçün Misirə göndərmək istədiyi səhra xəstəxanaları və təcili yardım maşınlarının daşınması üçün hər an hazır vəziyyətdə saxlanılan 2 türk gəmisi üçün Misir limanlarına girməyə icazə verildiyi məlumatını da paylaşıb.
Fahrettin Koca da açıqlamasında bunları qeyd edib:
"Qəzzalı qardaş və bacılarımızın müalicəsi üçün Fələstin naziri ilə qurduğumuz bu yaxın və unudulmaz əməkdaşlığın Misirlə ölkəmiz arasında səhiyyə sahəsində mövcud əməkdaşlığı da sürətləndirəcəyinə inamımız artırıb. Bu, böyük xoşbəxtlikdir ki, bəşəriyyət Qəzzada xəstələrə və yaralılara şəfa verə bilsin”.