Ağciyər xərçəngi dünyada ən çox ölümə səbəb olan xərçəng növüdür. Erkən diaqnoz xəstəlikdən sağ qalma şansını artırır.

Aztibb.az “TRT Haber”ə istinadən xəbər verir ki, erkən diaqnoz və müalicə ilə sağlamlığıa qovuşma mümkündür.

Bütün xərçəng növlərində olduğu kimi, ağciyər xərçəngində də erkən diaqnoz böyük əhəmiyyət kəsb edir. Xüsusilə əməliyyat olunma şansı olan xəstələr tam müalicə ala bilirlər.

Erkən mərhələdə cərrahiyyə həyatı xilas edir

Prof. Dr. Erdal Okur qeyd edib ki, ağciyər xərçənginin 90 faizi siqaretdən qaynaqlanır. Siqaretdən başqa ailədə ağciyər xərçəngi varsa, bu da önəmli faktordur:

“Ağciyər xərçəngi zamanı ən yaxşı müalicə əməliyyat keçirə bilən xəstələr üçündür. Ancaq xəstələrin yalnız dörddə birini, beşdə birini əməliyyat edə bilirik. Çünki təəssüf ki, əməliyyat oluna biləcək çox az xəstəni erkən mərhələdə aşkar edə bilirik. Erkən mərhələdə əməliyyatla tutulanların böyük bir faizi bu xəstəlikdən tamamilə xilas ola bilir”.