Allerqoloq-immunoloq Vladimir Bolibok koronavirus hadisələrinin yeni dalğasından nə gözləyəcəyini bildirib.
Aztibb.az “Actual News” portalına istinadən xəbər verir ki, ekspertin sözlərinə görə, yoluxmuş insanların sayının artması daha çox COVID-19-un yayılması ilə deyil, diaqnostikanın təkmilləşdirilməsi ilə bağlıdır.
Həkimin qeyd edib ki, zaman keçdikcə koronavirus qrip kimi mövsümi xəstəliyə çevriləcək.
“Koronavirusun müxtəlif növlərinin tamamilə təsadüfi dövriyyəsi başladı. Əgər əvvəllər bizdə bir ştam digəri ilə əvəz olunurdusa və buna görə klassik epidemiya dalğası yaranırdısa, indi müxtəlif ştamlar eyni vaxtda dövr etməyə başlayıb. Amma bu, sadəcə olaraq o deməkdir ki, koronavirusun özü belə alt növlərə bölünərək mövsümi xarakter alır”, – həkim vurğulayıb.
Əlavə edib ki, yeni COVID-19 “Pirola” ştamı ciddi təhlükə yaratmır. Bu növ koronavirus daha yoluxucudur, lakin ağır formalara səbəb olmur. Həkim CoviVac və Convasel-i koronavirusun mövcud ştamlarına qarşı ən uyğun vaksinlər hesab edib.
Həkim Sputnik V-nin artıq COVID-19-un mövcud variantlarına qarşı effektiv olmadığını deyib, buna görə də elm adamları peyvəndi yeniləyəcəklər.