Balidə cərrahlar bir həftə ağrılı ereksiyadan sonra yaşlı kişinin cinsiyyət orqanını amputasiya etmək məcburiyyətində qalıblar.

Aztibb.az “Planet Today” nəşrinə istinadən xəbər verir ki, “Urology Case Reports” tibb jurnalının məlumatına görə, 63 yaşlı xəstədə heç bir cinsi stimullaşdırma olmadan özbaşına ereksiyaya başlayıb. O, həmçinin qısa müddətdəı səbəbsiz çəki itirib.

Tibbi müayinələr kişidə böyrək xərçəngi olduğunu göstərib. Qarında ağrı və sidikdə qan izləri görünüb.Patologiyanın səbəbi böyrək borularında malign hüceyrələrin meydana gəlməsi olub.

Balili cərrahlar kişinin cinsiyyət orqanından qan çıxararaq vəziyyətini yüngülləşdirməyə çalışıblar. Bu kömək etməyib, buna görə mütəxəssislər orqanda şunt quraşdırıblar.

Ultrasəsdən sonra şiş hüceyrələrinin artıq cinsiyyət orqanlarına çatdığı məlum olub ki, bu da sabit ereksiyaya səbəb olub. Sonra cərrahlar penisin amputasiyasını həyata keçiriblər.

Hazırda xəstənin vəziyyəti yaxşıdır, sidik ifrazında heç bir problem yoxdur.