Beynəlxalq tədqiqat qrupu 16 xromosomun yarısının yenidən işlənmiş və sıfırdan qurulmuş sintetik xromosomlardan ibarət olduğu bir maya ştamı yaradıb. Bu, tamamilə sintetik genomlu ilk kompleks hüceyrənin yaradılması istiqamətində mühüm addımdır.

Aztibb.az “Planet Today” nəşrinə istinadən xəbər verir ki, bu barədə Nyu-York Universitetindən layihə rəhbəri Jeff Boeke açıqlama verib.

Layihənin arxasında duran ideya mürəkkəb hüceyrələri daha yaxşı başa düşmək və bioyanacaq istehsalı kimi sənaye istifadəsi üçün maya suşlarının yaradılmasıdır.

"Biz düşünürük ki, bu, bəşəriyyətə fayda verən məhsullar istehsal etmək məqsədilə mayanı optimallaşdırmaq üçün inanılmaz bir platforma olacaq", - deyə layihə rəhbəri bildirib.

Müxtəlif təqdiqatlar nəticəsində sıfırdan sintez edilmiş bütün genomları olan viruslar və bakteriyalar yaradılıb, lakin maya bütün bitki və heyvanların hüceyrələri kimi mürəkkəb və ya eukaryotik hüceyrə olduğu üçün daha çətindir. Mürəkkəb hüceyrələr bakteriya hüceyrələrinə xas olan tək kiçik genomdan daha çox müxtəlif xromosomlara bölünmüş daha böyük genomlara malikdir.

Bildirilib ki, 16 maya xromosomunun sintetik versiyaları hazırdır, lakin 16-nın hamısını bir maya ştamına birləşdirmək daha bir il çəkə bilər.

Əsas problem bu ştammın fiziki yığılması deyil, sintetik xromosomların "sazlanması"dır.
İdeya sənaye istifadəsi üçün sürətlə ştamlar yaratmaqdır.