Toksoplazma qondi paraziti ev pişiklərindən insanlara keçdikdə arıqlamağa, əzələ kütləsinin itirilməsinə və digər zəiflik əlamətlərinə səbəb olur.

Aztibb.az “Journals of Gerontology Series A.”nın məlumatına istinadən xəbər verir ki, dünya əhalisinin üçdə birinə qədəri toksoplazmoza səbəb olan hüceyrədaxili parazit Toksoplazma qondiyə yoluxur. İnfeksiya pişiklərdən nəcis və yuyulmamış əllər vasitəsilə keçir.

Beyinə nüfuz edən parazit reaksiya sürətini azaldır, narahatlığa və beyin pozğunluğunun təzahürlərinə səbəb olur. Beyin və digər toxumalarda parazit kist şəklində uzun müddət gözləyə bilir, xüsusilə də immun sistemi zəiflədikdə aktivləşməni gözləyir.

Toksoplazmoz tez-tez asemptomatikdir. Bəzən bədən istiliyinin artması, limfa düyünlərinin iltihabı və allergik əlamətlərlə biruzə verir.

Amerikalı alimlər bu yaxınlarda yaşlı insanlarda infeksiyanın uzunmüddətli nəticələrini aşkar ediblər. Bunlar kilo itkisi, zəiflik, əsəbilik, narahatlıq, koqnitiv sapmalardır.

Alimlər pişiklə təmasdan və onlara dair təmizlədikdən sonra əllərinizi yaxşıca yumağı, həmçinin yemək hazırlayarkən gigiyena tədbirlərini gücləndirməyi məsləhət görürlər.