İnfeksionist, pediatr Yevgeni Timakov qeyri-sabit payız dövründə uşağın sağlamlığını qorumaq üçün riayət edilməli olan bir sıra vacib qaydaları sadaladı.

Aztibb.az “SM News” xəbər agentliyinə istinadən yazır ki, həkimin bildiridiyinə görə, nə qədər ki, hava kifayət qədər rahat və istidir, ümumi tövsiyələrə əsasən uşaq hava şəraitinə uyğun geyinməli və çox bükülməməlidir.

Bu gün payız-qış dövrünə hazırlıqdan danışmaq çətindir, çünki payız hələ ki isti keçir. Deməli, çətin ki, bununla bağlı nəyisə kökündən dəyişmək mümkün olsun.

“İndi tərləmənin qarşısını almaq tövsiyə olunur. Çünki məsələn, mümkün temperatur kontrastı ağır hipotermiya, bronxit, boğaz ağrısı və sidik yollarının xəstəlikləri ilə nəticələnə bilər "– deyə Timakov aydınlıq gətirib.

Gündəlik rejimdən danışan həkim qeyd edib ki, məktəb tətilində uşaq daha çox dincəlməli, fəaliyyət sahəsini dəyişməlidir.

“Uşağınızı əyləncə tədbirinə aparacaqsınızsa, onun vəziyyətinə fikir vermək vacibdir. Beləliklə, əgər siz onda kataral simptomları - burun axması və ya öskürək, hətta teperaturu müşahidə etsəniz, başqalarını yoluxdurmamaq üçün onu ictimai yerlərə aparmamalısınız", - həkim vurğulayıb.

Digər vacib tövsiyə odur ki, qış ərəfəsində vitamin qəbul etmək vacibdir: “İndi mövsüm bunun üçün əlverişlidir. Tərəvəzlərə, meyvələrə və giləmeyvələrə diqqət yetirin. Ümumiyyətlə uşaq maksimum dərəcədə faydalı xassələrlə dolu olan təbii məhsullara üstünlük verməlidir.