Böyük Britaniyada son sutka ərzində 20 530 nəfər koronavirusa yoluxub.

Aztibb.az xəbər verir ki, bu barədə ölkənin Səhiyyə Departamenti məlumat yayıb.

Məlumata görə, son sutkada 224 nəfər də koronavirusdan həyatını itirib. Bununla da hazırda Britaniyada koronavirusa yoluxanların sayı 830 998 nəfərə, ölənlərin sayı isə 44 571 nəfərə çatıb.

Türkiyədə son 24 saatda COVID-19-dan daha 74 nəfər ölüb.

Bu barədə Türkiyənin Səhiyyə naziri Fəxrəddin Qoca bildirib.

Nazir açıqlamasında qeyd edib ki, son 24 saatda 115 979 şübhəli koronavirus testindən keçib, onlardan 2165-nin cavabı pozitiv çıxıb, 1493 xəstə isə sağalaraq evə buraxılıb. Ağır xəstə sayı 1648 nəfər olub.

Gürcüstanda son sutkada 1 941 nəfərdə COVID-19 aşkarlanıb, 350 nəfər sağalıb, 10 koronavirus xəstəsi isə həyatını itirib.

Bununla da ölkədə COVID-19-a yoluxanların ümumi sayı 26 min 503 nəfərə, ölənlərin sayı isə 193-ə çatıb.

Ermənistanda koronavirusa yoluxanların və bu virusdan ölənlərin sayı yenə də kəskin artıb. Son 24 saat ərzində ölkədə daha 2 min 213 nəfərdə koronavirus aşkarlanıb, 12 nəfər bu xəstəlikdən ölüb.

Bu barədə Ermənistan Səhiyyə Nazirliyinin Xəstəliklərə Nəzarət və Onların Profilaktikası Milli Mərkəzi məlumat yayıb.

Bildirilib ki, bununla da Ermənistanda virusa yoluxanların ümumi sayı 75 min 523-ə, pandemiya qurbanlarının ümumi sayı isə 1157-ə çatıb.