Taylandın Mahidol Universitetinin alimləri tam çəkisizlik şəraitində böyüyə bilən bitki kəşf ediblər. Bu bitki uzun kosmos səyahətlərində astronavtlar üçün əla qida və oksigen mənbəyi ola bilər.

Aztibb.az “Neprosto.fun” nəşrinə istinadən xəbər verir ki, Volfiya (Wolffia) və ya su unu, su səthində üzən yaşıl elliptik formalı lövhələri olan ördək otu yarımfəsillərindən su bitkiləri cinsidir. Bitkinin rəngi yaşıl və ya sarı-yaşıldır, kökləri yoxdur və ölçüsü 1 millimetrə çatır.

Maraqlıdır ki, bitki hətta sıfır çəkisi şəraitində su mühitində böyüməyə davam edir.

Tailand alimləri bitkini üzərində hiperqravitasiya şəraitində təcrübə aparmaq üçün Avropa Kosmik Tədqiqatlar və Texnologiyalar Mərkəzinə göndəriblər və tədqiqat uğurla başa çatıb.

Beləliklə, alimlər belə qənaətə gəliblər ki, su unu və ya Volfiya kosmosda böyümək üçün ideal bitkidir. Bitkinin həcminin 100%-i qida kimi istehlak olunur, quru halda isə 44%-i karbohidratlar, 20%-i zülallar və 5%-i yağlardan ibarətdir.