Cenevrə Universitetinin alimlərindən ibarət qrup İsveçrənin Tropik və İctimai Sağlamlıq İnstitutu ilə birgə mobil telefonların yaydığı elektromaqnit şüalarının sperma keyfiyyətinə zərərli olduğunu aşkar ediblər.

Aztibb.az “EcoPravda” portalına istinadən xəbər veri ki, müəlliflər 2005-2018-ci illər arasında 18-22 yaş arası təxminən üç min kişidən toplanmış məlumatları təhlil ediblər.

Subyektlərdən həyat tərzləri, ümumi sağlamlıqları, telefonlarından nə qədər tez-tez istifadə etdikləri və istifadə etmədikləri zaman cihazlarını harada yerləşdirmələri ilə bağlı suallara cavab vermələri istənilib.

Nəticələr artan smartfon istifadəsi ilə sperma konsentrasiyası arasında əlaqə olduğunu göstərib. Telefondan həftədə bir dəfədən çox istifadə etməyən kişilər qrupunda (56,5 milyon/millilitr) orta sperma konsentrasiyası cihazı gündə 20 dəfədən çox tutan kişilərlə müqayisədə (44,5 milyon/millitr) əhəmiyyətli dərəcədə yüksək olub.

Belə ki, tez-tez və nadir cib telefonu istifadəçiləri arasında sperma keyfiyyətində fərq təxminən 21 faizdir.