Neyroloq və diyetoloq Frank Dukanın sözlərinə görə, bəzi qidalar iştahı yatıran və bir çox insanın arıqlamaq üçün istifadə etdiyi məşhur diabet inyeksiyalarına bənzəyən xüsusi lif növünə malikdir.

Aztibb.az “Neprosto.fun” nəşrinə istinadən xəbər verir ki, tədqiqat zamanı o və həmkarları fermentləşdirilmiş lif olan beta-qlükanın iştahınızı yatırmağa və arıqlamağınıza kömək edə biləcəyini öyrəniblər.

O, qeyd edib ki, bu lif yulaf, çovdarda və digər bəzi dənli bitkilərdə olur. Bədənə daxil olduqdan sonra bu qidalar beynə tox olduğunuzu bildirən və həmçinin qidanın mədədən bağırsaqlara keçidini yavaşlatan hormon olan qlükaqon kimi peptid-1 (GLP-1) istehsalını təşviq edir.

Tədqiqatçı diabet dərmanlarının da oxşar təsirə malik olduğunu deyib.

Həkim əlavə edib ki, beta-qlükan siçanlar üzərində aparılan təcrübələrdə piylənmə əleyhinə dərman kimi yaxşı işləyir:

“İnsanlar üzərində aparılan sınaqlar bu növ lifin insulinə həssaslığı yaxşılaşdırdığını, qan təzyiqini aşağı saldığını və toxluğu təşviq etdiyini təsdiqləyib. Bundan əlavə, bitki qidalarında olan digər fermentləşdirilmiş lif növləri də faydalı xüsusiyyətlərə malikdir, lakin onların arıqlamaq üçün faydaları tapılmayıb”.