Tasmaniya Universitetinin alimləri yeni tədqiqatlarının nəticələrini açıqlayıblar. Müəyyən ediblər ki, sitrus meyvələri yemək qan şəkərinin səviyyəsini sabitləşdirə və 2-ci tip diabetin ağırlaşma riskini azalda bilər.

Aztibb.az “EcoPravda” portalına istinadən xəbər veri ki, “Science Direct”də dərc edilən hesabatda alimlər öz işlərində sitrus meyvələrinin şəkərli diabetdə müalicəvi rolu ilə bağlı 129 araşdırmanın təhlil edildiyini bildiriblər.

Limon, portağal və qreypfrutda üzvi birləşmələr olan flavonollar orqanizmdə oksidləşdirici stressi və iltihabı azaltmağa kömək edən güclü antioksidant xüsusiyyətlərə malikdir.

Şəkərli diabetdə oksidləşdirici stress (oksidləşmə nəticəsində hüceyrənin zədələnməsi prosesi) hiperqlikemiyadan - qanda qlükoza səviyyəsinin artmasından qaynaqlana bilər. Flavonollar isə oksidləşmə prosesini ləngidə bilər.

Həmçinin flavonol diabetlə əlaqəli retinada patoloji dəyişikliklərə görə retinopatiyanı - optik atrofiya və korluq riskini azaldır.