Münhen Universitetinin alimləri aspirinin kolon xərçənginin qarşısının alınması və müalicəsində təsirli ola biləcəyini müəyyən ediblər.

Aztibb.az xəbər verir ki, bununla bağlı müvafiq hesabat “Nature” jurnalında dərc olunub.

Tədqiqatçılar aşkar ediblər ki, aspirin xərçəng hüceyrələrini yatıran miR-34a və miR-34b/c molekullarının istehsalını stimullaşdırır. Bunun üçün aspirin AMPK fermentinin fəaliyyətini stimullaşdırır ki, bu da öz növbəsində NRF2 transkripsiya faktorunu modifikasiya edir.

Transkripsiya faktoru NRF bədəndəki hüceyrə və toxumaların müxtəlif toksinlərdən, oksidləşdirici stressdən və kanserogenlərdən antioksidant qorunmasında iştirak edir.

AMPK fermenti NRF2 transkripsiya faktorunu dəyişdirir ki, o, hüceyrə nüvəsinə miqrasiya edir və miR-34a və miR-34b/c ilə əlaqəli olan miR-34 geninin ifadəsini aktivləşdirir. Bu molekullar şiş bastırıcılar ailəsinə aiddir.

Başqa sözlə, sağlam hüceyrələrin xərçəng hüceyrələrinə çevrilməsinin qarşısını alır və bununla da bağırsaq xərçənginə həm profilaktik, həm də müalicəvi təsir göstərir.

Alimlər qeyd ediblər ki, aspirinin xərçəng hüceyrələrinin fəaliyyətinə təsirini daha dərin öyrənmək üçün əlavə tədqiqatlara ehtiyac var. Müəlliflər ümid edirlər ki, gələcəkdə aspirin əsasında xərçəngin müalicəsi üçün yeni dərmanlar hazırlamaq mümkün olacaq.