Ekseter Universiteti və London Kral Kollecinin alimləri COVID-19 pandemiyası səbəbindən 50 yaşdan yuxarı insanların idrak qabiliyyətlərinin pisləşdiyini müəyyən ediblər.
Aztibb.az “The Lancet”ə istinadən xəbər verir ki, Alimlər 50-90 yaş arası üç mindən çox internet istifadəçisinin iştirak etdiyi onlayn araşdırma aparıblar.
Subyektlərdən koqnitiv funksiyanı qiymətləndirmək üçün testdən keçmələri istənilib. Nəticələrin təhlili göstərib ki, pandemiyanın ilk ilində koqnitiv tənəzzül xeyli sürətlənib. Alimlər hesab edirlər ki, məkan oriyentasiyası, yaddaş, məlumatın işlənməsi və təhlili bacarıqları 50% sürətlə pisləşməyə başlayıb.
Tədqiqatçılar bunun yaşlı insanların özünü təcrid rejiminə daha uzun müddət riayət etmələri ilə əlaqədar ola biləcəyini irəli sürüblər. Onlar daha az hərəkət edir, dostları və ailəsi ilə daha az ünsiyyət qurur, daha çox spirtli içki qəbul edirdilər.
Tədqiqat müəllifləri qeyd ediblər ki, belə şəraitdə yaşamaq yaşlı insanlarda demansın inkişaf riskini artırır. Alimlər 50 yaşdan yuxarı insanlara sağlamlıqlarında baş verən dəyişiklikləri yaxından izləməyi və koqnitiv pozğunluqlar olduqda həkimə müraciət etməyi tövsiyə ediblər.